బైరాగి గూడా లో ఘనంగా దసరా వేడుకలు

బైరాగిగూడలో ఘనంగా దసరా ఉత్సవాలు

30 ఏళ్ల తర్వాత బురుజు గడ్డపై ఎగిరిన జెండా

కందుకూరు:  దసరా పండుగను పురస్కరించుకొని బైరాగిగూడ గ్రామంలో ఉత్సవాలను ఘనంగా నిర్వహించారు. గతంలో సుమారు 30 ఏళ్ల క్రితం బురుజు గడ్డపై జెండా ఎగురవేసే సంప్రదాయం ఉండేదని, తాజాగా గ్రామ సర్పంచ్ పల్స కృష్ణ గౌడ్ ఆధ్వర్యంలో ఆ సంప్రదాయాన్ని పునరుద్ధరించారు.
ఉపసర్పంచ్ ఎలిమినేట్ సంజీవ, వార్డు సభ్యుడు గొలువి భగవంతు కృషితో బురుజు గడ్డకు తిరిగి పూర్వ వైభవం తీసుకొచ్చి, దసరా పండుగ సందర్భంగా జెండాను ఎగురవేశారు. ఎన్నో ఏళ్ల తర్వాత పాత సంప్రదాయాన్ని పునరుద్ధరించడంతో గ్రామస్తులు సంతోషం వ్యక్తం చేశారు. గ్రామ సంస్కృతి, సంప్రదాయాలను కాపాడేందుకు కృషి చేసిన సర్పంచ్, ఉపసర్పంచ్, వార్డు సభ్యులను గ్రామస్థులు అభినందించారు.

టి. శ్రీనివాస్, మేజర్ న్యూస్