పోలీస్ మార్చ్

ఎంపీటీసీ, జెడ్పీటీసీ నామినేషన్లకు ఏర్పాట్లు...
నామినేషన్ కేంద్రాల వద్ద బారికేడ్లు...   రహదారి గుర్తులను పరిశీలించిన సీఐ వీరబాబు,...
అమలాపురం మేజర్ న్యూస్ మండల పరిషత్ ప్రాదేశిక నియోజకవర్గ సభ్యులు, జిల్లా పరిషత్ ప్రాదేశిక నియోజకవర్గ సభ్యుల ఎన్నికల నామినేషన్ల ప్రక్రియకు సంబంధించి అమలాపురంలో ఏర్పాట్లను పోలీసులు పర్యవేక్షించారు. మండల పరిషత్ కార్యాలయ ప్రాంగణంలో చేపట్టిన ఏర్పాట్లను అమలాపురం సీఐ పి.వీరబాబు, ఎస్సైలు  పరిశీలించారు. అమలాపురం నామినేషన్ల కేంద్రానికి సంబంధించిన ఏర్పాట్లను రిటర్నింగ్ అధికారి, పంచాయతీరాజ్ శాఖ ఉప కార్యనిర్వాహక ఇంజినీరు అన్యం రాంబాబు పర్యవేక్షించారు.మండల పరిషత్ కార్యాలయ భవనంలోని కింది అంతస్తులో అమలాపురం మండల ఎంపీటీసీ అభ్యర్థుల నామినేషన్ల స్వీకరణకు, మొదటి అంతస్తులోని జిల్లా పరిషత్ కార్యాలయంలో జెడ్పీటీసీ అభ్యర్థుల నామినేషన్ల స్వీకరణకు ఏర్పాట్లు చేశారు.నామినేషన్ల ప్రక్రియ మరుసటి రోజు నుంచి ప్రారంభం కానున్న నేపథ్యంలో కేంద్రాల వద్ద బారికేడ్ల ఏర్పాటు, రహదారులపై గుర్తులు, రాకపోకల నియంత్రణ తదితర అంశాలను సీఐ, ఎస్సైలు క్షేత్రస్థాయిలో పరిశీలించారు. నామినేషన్ల సమయంలో ఎలాంటి ఇబ్బందులు తలెత్తకుండా అవసరమైన భద్రతా, రవాణా నియంత్రణ చర్యలు చేపట్టేలా ఏర్పాట్లను సమీక్షించారు