ఎంపీటీసీ నామినేషన్ల వేళ పోలీసు ఆంక్షలు. రొంపిచెర్ల మండల ప్రజలు సహకరించాలి

ఎంపీటీసీ నామినేషన్ల వేళ పోలీసు ఆంక్షలు.

రొంపిచెర్ల మండల ప్రజలు సహకరించాలి.

నిబంధనలు ఉల్లంఘిస్తే చట్టపరమైన చర్యలు: కల్లూరు సర్కిల్ ఇన్‌స్పెక్టర్ ప్రసాదరావు.

రొంపిచెర్ల, మేజర్ న్యూస్: స్థానిక సంస్థల ఎన్నికల్లో భాగంగా ఎంపీటీసీ నామినేషన్ల ప్రక్రియ నేపథ్యంలో రొంపిచెర్ల మండలంలో పోలీసు ఆంక్షలు అమల్లో ఉన్నాయని కల్లూరు సర్కిల్ ఇన్‌స్పెక్టర్ జి. ప్రసాదరావు తెలిపారు. ఈ నెల 21 నుంచి 23వ తేదీ వరకు ఎంపీటీసీ నామినేషన్ల ప్రక్రియ కొనసాగనున్నందున ప్రజలు పోలీసులకు సహకరించాలని కోరారు. రొంపిచెర్ల పురవీధులలో పోలీసు సిబ్బందితో కలిసి ర్యాలీ నిర్వహించారు. ఎన్నికల ప్రక్రియకు మూడంచెల నిఘా ఉంటుందన్నారు. సీసీ కెమెరాల, డ్రోన్ కెమెరాల పర్యవేక్షణ ఉంటుందన్నారు. అలాగే 

మండలంలో 30 పోలీస్ యాక్ట్‌తో పాటు సెక్షన్ 144 సీఆర్‌పీసీ / 163 బీఎన్‌ఎస్‌ఎస్‌ అమల్లో ఉన్నందున, ఎక్కడా నలుగురికి మించి గుమిగూడరాదని స్పష్టం చేశారు. నిబంధనలను ఉల్లంఘించి గుమిగూడితే చట్ట ప్రకారం చర్యలు తీసుకుంటామని హెచ్చరించారు.

నామినేషన్ దాఖలు చేసే అభ్యర్థితో పాటు మరో ఇద్దరు వ్యక్తులకు మాత్రమే నామినేషన్ కేంద్రంలోకి అనుమతి ఉంటుందని తెలిపారు. ఉదయం 9 గంటల నుంచి సాయంత్రం 6 గంటల వరకు నామినేషన్ల ప్రక్రియ సందర్భంగా ప్రజలు శాంతిభద్రతలకు విఘాతం కలగకుండా వ్యవహరించాలని విజ్ఞప్తి చేశారు. ఈ కార్యక్రమంలో రొంపిచెర్ల ఎస్‌ఐ మధుసూదన్‌తో పాటు పోలీసు సిబ్బంది పాల్గొన్నారు.