కల్వకుర్తి దసరా వేడుకల్లో సీఎం రేవంత్‌ రెడ్డి.. రావణ దహనం కార్యక్రమంలో పాల్గొన్న ముఖ్యమంత్రి

కల్వకుర్తి, సూర్య ప్రతినిధి :నాగర్‌కర్నూల్ జిల్లా కల్వకుర్తిలో నిర్వహించిన విజయదశమి వేడుకల్లో తెలంగాణ ముఖ్యమంత్రి శ్రీ ఎ. రేవంత్ రెడ్డి పాల్గొన్నారు. దసరా ఉత్సవాల ముగింపు సందర్భంగా మైదానంలో ఏర్పాటు చేసిన రావణ దహనం కార్యక్రమానికి ఆయన ముఖ్య అతిథిగా హాజరై, జ్యోతి ప్రజ్వలన చేసి కార్యక్రమాన్ని ప్రారంభించారు.

ఈ వేడుకల్లో ముఖ్యమంత్రితో పాటు నాగర్‌కర్నూల్ పార్లమెంట్ సభ్యులు (ఎంపీ) మల్లు రవి, కల్వకుర్తి శాసనసభ్యులు (ఎమ్మెల్యే) కసిరెడ్డి నారాయణరెడ్డి, ఇతర స్థానిక ప్రజాప్రతినిధులు మరియు కాంగ్రెస్ పార్టీ ముఖ్య నేతలు పాల్గొన్నారు. పండుగ వాతావరణంలో జరిగిన ఈ వేడుకల్లో పాల్గొనేందుకు పరిసర ప్రాంతాల నుంచి ప్రజలు, భక్తులు భారీ సంఖ్యలో తరలివచ్చారు.