సర్వేనెంబర్ ఒకటిలో బ్లాస్టింగ్ల కలకలం

జిన్నారం;జిన్నారం మున్సిపల్ కేంద్రంలోని సర్వే నంబర్ 1 పరిధిలో జరుగుతున్న బర్మా బ్లాస్టింగ్‌లతో స్థానికులు ఆందోళన వ్యక్తం చేస్తున్నారు. శనివారం సాయంత్రం బ్లాస్టింగ్ కారణంగా రాళ్లు ఎగిరిపడి రహదారిపై పడుతున్నాయని స్థానిక ప్రజలు  వాపోతున్నారు. ముఖ్యంగా గరీబ్ షావలి దర్గా వరకు రాళ్ల ముక్కలు వచ్చి పడుతుండటంతో అటువైపు వెళ్లే ప్రజలు భయాందోళనకు గురవుతున్నారు. ఈ బ్లాస్టింగ్‌ల వల్ల ఎప్పుడు ఏ ప్రమాదం జరుగుతుందోనని స్థానికులు ఆందోళన చెందుతున్నారు.ఈ విషయంపై అధికారులు స్పందించి బ్లాస్టింగ్ పనులను తక్షణమే నిలిపివేసేలా చర్యలు తీసుకోవాలని మున్సిపల్ ప్రజలు విజ్ఞప్తి చేస్తున్నారు. ప్రజల భద్రతను దృష్టిలో ఉంచుకుని సంబంధిత శాఖల అధికారులు క్షేత్రస్థాయిలో పరిశీలించి తగిన చర్యలు చేపట్టాలని స్థానిక ప్రజలు కోరుతున్నారు.