సాయి వికాస్ డిగ్రీ కళాశాలలో ట్రాఫిక్ అవగాహన కార్యక్రమం
విద్యార్థులు ట్రాఫిక్ నిబంధనలు పాటించాలి – సంతోష్ నగర్ ట్రాఫిక్ పోలీసులు
హైదరాబాద్ మేజర్ న్యూస్ :: అరైవ్ అలైవ్ క్యాంపెయిన్‌లో భాగంగా సంతోష్ నగర్ ట్రాఫిక్ పోలీసుల ఆధ్వర్యంలో సంతోష్ నగర్‌లోని సాయి వికాస్ డిగ్రీ కళాశాల విద్యార్థులకు ట్రాఫిక్ అవగాహన కార్యక్రమం నిర్వహించారు. ఈ కార్యక్రమానికి సంతోష్ నగర్ ట్రాఫిక్ ఇన్‌స్పెక్టర్ నాయకత్వం వహించారు.
ఈ సందర్భంగా విద్యార్థులకు రోడ్డు భద్రత, ట్రాఫిక్ నియమ నిబంధనలు, బాధ్యతాయుతమైన డ్రైవింగ్‌పై అవగాహన కల్పించారు. ర్యాష్ డ్రైవింగ్, అతివేగం, సిగ్నల్ ఉల్లంఘన, హెల్మెట్ లేకుండా వాహనాలు నడపడం, లైసెన్స్ లేకుండా డ్రైవింగ్ చేయడం, డ్రైవింగ్ సమయంలో సెల్‌ఫోన్ వినియోగించడం వల్ల జరిగే ప్రమాదాల గురించి వివరించారు.
అలాగే రహదారి గుర్తులు, రోడ్డు మార్కింగ్‌ల ప్రాముఖ్యతతో పాటు ప్రమాద బాధితులకు సకాలంలో సహాయం అందించి ప్రాణాలు కాపాడే రహ్-వీర్ పథకం గురించి వివరించారు.
ప్రతి ఒక్కరూ ట్రాఫిక్ నిబంధనలు తప్పనిసరిగా పాటిస్తూ, రోడ్డు ప్రమాదాల నివారణకు సహకరించాలని, బాధ్యతాయుతమైన పౌరులుగా వ్యవహరించాలని విద్యార్థులకు ట్రాఫిక్ పోలీసులు సూచించారు.
