రీ సర్వేలో మూడు గ్రామాల సరిహద్దుల నిర్ధారణ

సూర్య, పెంచికల్‌పేట్: పెంచికల్‌పేట్ మండలంలో భూ రికార్డుల రీ సర్వేలో భాగంగా పెంచికల్‌పేట్, ఎల్కపల్లి, ఎల్లూరు గ్రామాల మధ్య సరిహద్దు హద్దులను అధికారులు నిర్ధారించారు. తహసీల్దార్ బోడ రవీందర్ ఆధ్వర్యంలో నిర్వహించిన ఈ కార్యక్రమంలో గ్రామాల సరిహద్దులను పరిశీలించి హద్దులను గుర్తించారు. కార్యక్రమంలో జీపీఓలు అనిల్, షారుఖ్, సర్పంచులు భక్తు రాంచందర్, చప్పిడి రవీందర్, షేక్ ఉస్మాన్, సర్వేయర్లు, తహసీల్దార్ కార్యాలయ సిబ్బంది, గ్రామస్తులు పాల్గొన్నారు.