రైతులు వరికి బదులు ఆరుతడి పంటలకు ప్రాధాన్యత ఇవ్వాలి - ఏ డి ఏ అపర్ణ
సూర్య- బిక్కనూర్ : రాబోయే యాసంగిలో ఎల్నినో ప్రభావం ఉన్నందువల్ల నీటి వసతి మరియు లభ్యత తక్కువ ఉంటుంది, కాబట్టి ప్రతిఒక్క రైతు వరికి ప్రత్యన్మాయంగా ఆరుతడి పంటలైన శనగ, జొన్న, మొక్క జొన్న, పొద్దుతిరుగుడు, నువ్వులు, మినుములు మరియు కూరగాయలు సాగుచేయాలనీ ఏ డి ఏ అపర్ణ సూచించారు, సోమవారం మండలంలోని రామేశ్వర్ పల్లి గ్రామంలో వరికి బదులు జొన్న వేస్తున్న మాజీ గ్రామాభివృద్ధి కమిటీ అధ్యక్షుడు తక్కళ్ల నర్సారెడ్డి పంటను ఆమె పరిశీలించారు. ఈ సందర్భంగా రైతు తక్కల్ల నరసారెడ్డి ఆరుతడి పంటలు వేస్తే ప్రభుత్వం ఆంక్షలు లేకుండా కొనుగోలు చేయాలని విజ్ఞప్తి చేశారు. ఆంక్షలు లేకుండా కొనుగోలు చేసేందుకు ప్రభుత్వం దృష్టికి తీసుకెళ్తానని ఏడిఏ అపర్ణ హామీ ఇచ్చారు. ఈ కార్యక్రమంలో మండల వ్యవసాయ అధికారి నాగరాజు రెడ్డి ఉన్నారు.