రైతులకు ఎల్లవేళలా అందుబాటులో ఉండాలి - ప్రభుత్వ సలహాదారు షబ్బీర్ అలీ

సూర్య- భిక్కనూరు : ప్రాథమిక సహకార సంఘ సభ్యులు రైతులకు ఎల్లవేళలా అందుబాటులో ఉండాలని, ప్రభుత్వ సలహాదారు షబ్బీర్ అలీ సూచించారు. ఆదివారం బిక్కనూర్ పిఎసిఎస్ చైర్మన్‌గా నియమితులైన రాజబాబు గౌడ్ కు నియామక పత్రాన్ని అందజేశాడు. అనంతరం రాజా బాబు గౌడ్ మాట్లాడుతూ తనపై నమ్మకంతో పిఎసిఎస్ చైర్మన్‌గా బాధ్యతలు అప్పగించిన ప్రభుత్వ సలహాదారు షబ్బీర్ అలికి, జిల్లా నాయకులకు కృతజ్ఞతలు తెలిపారు. రైతులకు ఎల్లప్పుడూ అందుబాటులో ఉండి వారి సమస్యలను పరిష్కరిస్తానని హామీ ఇచ్చారు. ఈ కార్యక్రమంలో జిల్లా గ్రంథాలయ సంస్థ చైర్మన్ మద్ది చంద్రకాంత్ రెడ్డి, టిపిసిసి ప్రధాన కార్యదర్శి బద్దం ఇంద్రకరణ్ రెడ్డి, పట్టణ సర్పంచ్ రేఖ సుదర్శన్, ఉప సర్పంచ్ దుంపల మోహన్ రెడ్డి, సీనియర్ నాయకుడు లోయపల్లి నర్సింగ్ రావు తదితరులు ఉన్నారు