*ప్రతి కుటుంబం ఇందిరమ్మ జీవిత బీమా పథకంలో నమోదు చేసుకోవాలి* *-మున్సిపల్ చైర్‌పర్సన్ సామినేని సుజాత*
సూర్య న్యూస్…మధిర
రాష్ట్ర ప్రభుత్వం అత్యంత ప్రతిష్టాత్మకంగా ప్రవేశపెడుతున్న ఇందిరమ్మ కుటుంబ జీవిత బీమా పథకంలో మధిర పట్టణంలోని ప్రతి కుటుంబం తప్పనిసరిగా పేరు నమోదు చేసుకోవాలని మున్సిపల్ చైర్‌పర్సన్ సామినేని సుజాత పిలుపునిచ్చారు.మాజీ ప్రధాని ఇందిరాగాంధీ జయంతిని పురస్కరించుకుని ఈ నెల 19న ముఖ్యమంత్రి వర్యులు గౌరవనీయులు శ్రీ రేవంత్ రెడ్డి గారు, ఉపముఖ్యమంత్రి వర్యులు గౌరవనీయులు శ్రీ మల్లు భట్టి విక్రమార్క గారు ఈ పథకం నమోదు ప్రక్రియను అధికారికంగా ప్రారంభించనున్నారని ఆమె తెలిపారు.ప్రతి కుటుంబానికి రూ. 5 లక్షల జీవిత బీమా సౌకర్యం కల్పిస్తూ దేశంలోనే ఈ విధానాన్ని అమలు చేస్తున్న తొలి రాష్ట్రంగా తెలంగాణ చరిత్ర సృష్టించబోతోందని అన్నారు. కుటుంబానికి ఆధారమైన వ్యక్తి అకాల మరణం చెందితే ఆ కుటుంబం ఆర్థికంగా చితికిపోకూడదనే సదుద్దేశంతో ముఖ్యమంత్రి వర్యులు రేవంత్ రెడ్డి గారు,ఉప ముఖ్యమంత్రి వర్యులు మల్లు భట్టి విక్రమార్క గారి నేతృత్వంలోని ప్రజా ప్రభుత్వం ఈ చారిత్రాత్మక నిర్ణయం తీసుకుందని కొనియాడారు.పట్టణంలోని ఈనెల 17, 18,తేదీల్లో ప్రతి వార్డులో వార్డు కౌన్సిలర్,కాంగ్రెస్ పార్టీ డివిజన్ అధ్యక్షుడు, కాంగ్రెస్ పార్టీ ముఖ్య నాయకులు,మున్సిపల్ అధికారులతో కలిసి వారు వారి వార్డుల్లో బాధ్యత తీసుకొని, టమకాలు వేయించి, విస్తృత ప్రచారం చేసి సమన్వయంతో పనిచేస్తూ ప్రతి కుటుంబాన్ని ఈ జీవిత బీమా పథకంలో చేర్చాలని కోరారు.మధిర పట్టణ ప్రజలందరూ ఈ అవకాశాన్ని సద్వినియోగం చేసుకుని తమ కుటుంబాలకు ఆర్థిక భద్రత కల్పించుకోవాలని సామినేని సుజాత శనివారం ఒక ప్రకటనలో విజ్ఞప్తి చేశారు.
