ప్రజావాణికి వచ్చే ఫిర్యాదులు త్వరగా పరిష్కరించాలి - నాగర్ కర్నూల్ జిల్లా ఎస్పీ సంగ్రామ్ సింగ్ జి పాటిల్

ప్రజలు నిర్భయంగా మూడో వ్యక్తి ప్రమేయం లేకుండా  స్వచ్చందంగా పోలీస్ సేవల్ని వినియోగించుకుంటూ,వారి సమస్యలు చట్ట ప్రకారం పరిష్కరించుకునేలా ప్రజావాణి కొనసాగుతుందని జిల్లా ఎస్పీ సంగ్రామ్ సింగ్ జి పాటిల్ తెలిపారు. సోమవారం  జిల్లా పోలీస్ కార్యాలయంలో పోలీస్  ప్రజావాణి కార్యక్రమాన్ని నిర్వహించారు. ఫిర్యాదుదారుల సమస్యలను విని వాటిని చట్టప్రకారం పరిష్కరించా ల్సిందిగా సంబందిత అధికారులకు సూచనలు చేశారు.  జిల్లాలోని వివిధ ప్రాంతాల నుండి వచ్చిన ఫిర్యాదు దారుల నుండి వచ్చిన 7 అర్జీలలో  భూమికి సంబంధించిన అర్జీలు 4, తగు న్యాయం సంబంధించిన అర్జీలు 3 వచ్చినట్లు తెలిపారు. ఈ సందర్భంగా మాట్లాడుతూ పోలీసులు ప్రజలకు మరింత దగ్గరయ్యేలా, శాంతి భద్రతలు పరిరక్షిస్తూ ముందుకు సాగడమే లక్ష్యంగా జిల్లా పోలీస్ శాఖ పని చేస్తుందని తెలిపారు.
పి. వినయ్ కుమార్,   నాగర్ కర్నూల్ క్రైమ్, సూర్య న్యూస్