పొగాకుకు దూరంగా ఉండాలి

నవాబుపేట సూర్య న్యూస్:మండల కేంద్రంలోని ప్రభుత్వ ఉన్నత పాఠశాలలో పొగాకు ఉత్పత్తుల వినియోగాన్ని నిషేధించాలని విద్యార్థులతో ప్రాథమిక ఆరోగ్య కేంద్రం సిబ్బంది ప్రతిజ్ఞ చేయించారు.ఈ సందర్భంగా మండల విద్యాధికారి నాగ్య నాయక్ మాట్లాడుతూ..పొగాకు వినియోగం ఆరోగ్యానికి తీవ్ర హానికరమని,విద్యార్థులు చిన్న వయస్సు నుంచే ఇటువంటి చెడు అలవాట్లకు దూరంగా ఉండాలని అన్నారు.పొగాకు రహిత సమాజ నిర్మాణానికి ప్రతి ఒక్కరూ కృషి చేయాలని పిలుపునిచ్చారు.ఈ కార్యక్రమంలో ప్రాథమిక ఆరోగ్య కేంద్రం సిబ్బంది శారద,మాధవి,సరోజ,లక్ష్మి,నిర్మల,ఉపాధ్యాయులు, విద్యార్థులు అధిక సంఖ్యలో పాల్గొన్నారు.