telangana
జిల్లాస్థాయి ఖో-ఖో పోటీల్లో దిర్సంపల్లి విద్యార్థుల సత్తా.. ప్రథమ బహుమతి కైవసం
దోమ, మేజర్ న్యూస్: జిల్లాస్థాయిలో నిర్వహించిన ఖో-ఖో పోటీల్లో పీఎంశ్రీ జిల్లా పరిషత్ ఉన్నత పాఠశాల దిర్సంపల్లి విద్యార్థులు అద్భుత ప్రతిభ కనబరిచి ప్రథమ బహుమతి సాధించారు. జట్టు సమన్వయం, వేగం, చురుకుదనం, పట్టుదలతో ప్రత్యర్థి జట్లను ఓడిస్తూ ఫైనల్ పోటీలోనూ విజయం సాధించి విజేతలుగా నిలిచారు. ఈ విజయంతో పాఠశాలతో పాటు మండలానికి మంచి గుర్తింపు తీసుకొచ్చారు. విద్యార్థుల విజయంపై పాఠశాల ప్రధానోపాధ్యాయులు రూప్ సింగ్, ఉపాధ్యాయులు, తల్లిదండ్రులు హర్షం వ్యక్తం చేశారు. చదువుతో పాటు క్రీడల్లోనూ విద్యార్థులు రాణించడం అభినందనీయమని పేర్కొంటూ, ఇదే స్ఫూర్తితో రాష్ట్రస్థాయి పోటీల్లోనూ విజయాలు సాధించాలని ఆకాంక్షించారు. విజేతలను పాఠశాల సిబ్బంది, గ్రామస్తులు అభినందించారు.
