జనని హాస్పిటల్‌లో వైభవంగా అయ్యప్ప స్వామి మహా పడిపూజ

సంగారెడ్డి;సంగారెడ్డి పట్టణంలోని జనని హాస్పిటల్‌లో శుక్రవారం అయ్యప్ప స్వామి మహా పడిపూజ కార్యక్రమాన్ని అత్యంత వైభవంగా నిర్వహించారు. కోమల్ జైన్ రాకేష్ ఆధ్వర్యంలో అంగరంగ వైభవంగా జరిగిన ఈ ఆధ్యాత్మిక వేడుకల్లో అయ్యప్ప స్వాముల భక్తి పారవశ్యం వెల్లివిరిసింది.ఈ కార్యక్రమానికి సంగారెడ్డి పట్టణంతో పాటు పరిసర ప్రాంతాలకు చెందిన గురుస్వాములు, అయ్యప్ప స్వాములు పెద్ద సంఖ్యలో హాజరయ్యారు. అయ్యప్ప నామస్మరణలు, భజనలు, భక్తి కీర్తనలతో ప్రాంగణం మార్మోగింది. ప్రత్యేక పూజలు నిర్వహించి స్వామివారిని భక్తిశ్రద్ధలతో కొలిచారు.ఈ కార్యక్రమానికి మాజీ మున్సిపల్ చైర్‌పర్సన్ బొంగుల రవి, విజయలక్ష్మి హాజరై ప్రత్యేక పూజల్లో పాల్గొన్నారు.భక్తుల సమక్షంలో నిర్వహించిన మహా పడిపూజ కార్యక్రమం ఆధ్యాత్మిక వాతావరణంలో భక్తులను విశేషంగా ఆకట్టుకుంది.