కార్పొరేటర్ల ఆత్మీయ సమావేశంలో రాజ్యసభ సభ్యులు భాష్యం రామకృష్ణకు సత్కారం

గుంటూరు  న్యూస్ : గుంటూరు పశ్చిమ నియోజకవర్గ ఎమ్మెల్యే గల్లా మాధవి ఆధ్వర్యంలో నిర్వహించిన కార్పొరేటర్ల ఆత్మీయ సమావేశానికి రాజ్యసభ సభ్యులు భాష్యం రామకృష్ణ ముఖ్య అతిథిగా హాజరయ్యారు. రాజ్యసభ సభ్యులు భాష్యం రామకృష్ణ ఇటీవల కార్పొరేటర్లుగా ఎన్నికైన ప్రజాప్రతినిధులందరికీ హృదయపూర్వక అభినందనలు తెలియజేశారు. అనంతరం భాష్యం రామకృష్ణను కార్పొరేటర్లు ఘనంగా సత్కరించారు. ఈ సందర్భంగా ఎంపీ భాష్యం రామకృష్ణ మాట్లాడుతూ ప్రజలు తమపై ఉంచిన విశ్వాసాన్ని నిలబెట్టుకుంటూ, గుంటూరు నగర అభివృద్ధే ధ్యేయంగా ప్రజలకు ఎల్లప్పుడూ అందుబాటులో ఉంటూ వారి సమస్యల పరిష్కారానికి అంకితభావంతో పని చేయాలని సూచించారు. ప్రజాసేవను పరమావధిగా భావించి, ప్రజల ఆకాంక్షలకు అనుగుణంగా ఆదర్శ ప్రజాప్రతినిధులుగా సేవలందించాలని ఆయన ఆకాంక్షించారు. ఈ కార్యక్రమంలో గుంటూరు నగర మేయర్  కోవెలమూడి లక్ష్మీ అపర్ణతో పాటు ఇటీవల ఎన్నికైన కార్పొరేటర్లు, పార్టీ నాయకులు పాల్గొన్నారు.