పట్టభద్రుల ఎమ్మెల్సీ ఓటరు నమోదు కోసం హెల్ప్‌డెస్క్ ప్రారంభం
*అర్హులైన పట్టభద్రులందరూ చివరి తేదీలోగా ఫారం-18 ద్వారా దరఖాస్తు చేసుకోవాలి*
కడ్తాల్ రంగారెడ్డి :
రంగారెడ్డి, హైదరాబాద్, మహబూబ్‌నగర్ పట్టభద్రుల ఎమ్మెల్సీ ఎన్నికల ఓటరు నమోదు ప్రక్రియలో చివరి గడువులోపు నమోదు చేసుకోవాలని పట్టణ సర్పంచ్ రాయికంటి బిక్షపతి, కాంగ్రెస్ పార్టీ మండల అధ్యక్షుడు పోతుగంటి శంకర్, కాంగ్రెస్ పార్టీ మండల ఎమ్మెల్సీ ఎన్నికల ఇన్‌చార్జ్, రంగారెడ్డి జిల్లా యూత్ కాంగ్రెస్ ప్రధాన కార్యదర్శి క్యామ రాజేష్ తెలిపారు.
ఈ నేపథ్యంలో కడ్తాల్ మండల కేంద్రంలో పట్టభద్రుల ఓటరు నమోదు కోసం ప్రత్యేక హెల్ప్‌డెస్క్‌ను ప్రారంభించారు. ఈ సందర్భంగా వారు మాట్లాడుతూ, ప్రజాస్వామ్య వ్యవస్థలో పట్టభద్రుల ఎమ్మెల్సీ ఎన్నికలకు ప్రత్యేక ప్రాధాన్యత ఉందని, అర్హులైన ప్రతి పట్టభద్రుడు ఓటరు జాబితాలో తన పేరు నమోదు చేసుకోవడం ఎంతో ముఖ్యమని పేర్కొన్నారు.
2023 అక్టోబర్ 31వ తేదీ నాటికి డిగ్రీ లేదా అంతకంటే ఎక్కువ విద్యార్హత పూర్తి చేసిన పట్టభద్రులందరూ ఫారం-18 ద్వారా తమ పేర్లను ఓటరు జాబితాలో నమోదు చేసుకోవాలని సూచించారు. ఓటరు నమోదు గడువు త్వరలోనే ముగియనున్నందున చివరి రోజు వరకు వేచి చూడకుండా అర్హులైన వారందరూ వెంటనే దరఖాస్తు చేసుకోవాలని కోరారు.
పట్టభద్రులకు ఓటరు నమోదు ప్రక్రియపై అవగాహన కల్పించడంతో పాటు, ఫారం-18 దరఖాస్తు చేసుకోవడంలో ఎదురయ్యే సందేహాలను నివృత్తి చేసేందుకు ఈ హెల్ప్‌డెస్క్ ఏర్పాటు చేసినట్లు తెలిపారు. పట్టభద్రులు ఈ అవకాశాన్ని సద్వినియోగం చేసుకొని తమ ఓటు హక్కును పొందాలని పిలుపునిచ్చారు.
ఓటరు నమోదు, ఫారం-18 దరఖాస్తు, అవసరమైన సూచనలు మరియు సందేహాల నివృత్తి కోసం క్యామ రాజేష్‌ను *9505207577* మొబైల్ నంబర్‌లో సంప్రదించాలని కోరారు.
ఈ కార్యక్రమంలో పట్టణ ఉపసర్పంచ్ యాదగిరి రెడ్డి, ఎండోమెంట్ డైరెక్టర్ యాదయ్య, వార్డు సభ్యులు మల్లయ్య, మంకి మహేష్, ముత్తి కృష్ణ, జాంగిర్ బాబా, కర్రోల రమేష్, కృష్ణవేణి, రాజు గౌడ్, జగన్ గౌడ్, మోతిలాల్, శివ నాయకులు గురిగళ్ళ లక్ష్మయ్య, ఎస్సీ సెల్ రామకృష్ణ, మంకీ శ్రీను, బుచ్చయ్య, ఎర్రోళ్ల శ్రీకాంత్, భరత్ యాదవ్, సత్యం, సాయిలు, రమేష్, రామకృష్ణ, శ్రీకాంత్, గంజి చంద్రశేఖర్, మహేష్, నరేష్, బాబు, సేవ్య తదితరులు పాల్గొన్నారు.
లక్ష్మణ్ మేజర్ న్యూస్…
