telangana
పలు గ్రామాల్లో పింఛను మంజూరు పత్రాల పంపిణీ
సూర్య తిర్యాణి : తిర్యాణి మండలంలోని మాణిక్యపూర్, కన్నెపల్లి, ఎదులపాడ్ గ్రామపంచాయతీల్లో గురువారం పింఛను మంజూరు పత్రాల పంపిణీ కార్యక్రమాలు నిర్వహించారు.మాణిక్యపూర్లో సర్పంచ్ కురుసంగా వనజ సుధాకర్ చేతుల మీదుగా 16 మందికి మంజూరు పత్రాలు అందజేశారు. కన్నెపల్లిలో సర్పంచ్ తుమ్మరం మాన్కు ఆధ్వర్యంలో మరో 16 మందికి పత్రాలు పంపిణీ చేశారు. పింఛన్లు మంజూరు కావడంపై లబ్ధిదారులు సంతోషం వ్యక్తం చేశారు.ఎదులపాడ్లో సర్పంచ్ మడావి పార్వతి అంబారావు పలువురు లబ్ధిదారులకు మంజూరు పత్రాలను అందజేశారు. ఈ సందర్భంగా ఆమె మాట్లాడుతూ, అర్హులైన ప్రతి ఒక్కరికీ పింఛను అందేలా కృషి చేస్తామని తెలిపారు. పింఛను పొందని అర్హులు దరఖాస్తు చేసుకోవాలని సూచించారు. ప్రభుత్వ సంక్షేమ పథకాలు ప్రతి అర్హుడికీ చేరేలా చర్యలు చేపడతామని చెప్పారు