నేడు బీజేపీ మహిళా మోర్చ బతుకమ్మ వేడుకలు

తెలంగాణ సాంస్కృతిక ప్రతీక అయిన బతుకమ్మ పండుగ వేడుకలను పురస్కరించుకుని, నేడు భారతీయ జనతా పార్టీ (బీజేపీ) మహిళా మోర్చా ఆధ్వర్యంలో ఘనంగా బతుకమ్మ సంబరాలు నిర్వహించనున్నారు.  

​సాయంత్రం ఖైరతాబాద్‌లోని సాగర్ సొసైటీ గ్రౌండ్‌లో ఈ వేడుకలు అత్యంత వైభవంగా జరగనున్నాయి. తెలంగాణ ఆడపడుచులంతా కలిసి తీరొక్క పూలతో బతుకమ్మలను తయారు చేసి భక్తిశ్రద్ధలతో ఈ వేడుకల్లో పాల్గొననున్నారు.

​ఈ వేడుకలకు ముఖ్య అతిథిగా ఎంపీ రూప్‌కుమారి హాజరుకానున్నారు. అలాగే ఈ కార్యక్రమంలో కేంద్రమంత్రి కిషన్‌రెడ్డి, మాజీ ఎమ్మెల్యే ఎన్. రాంచందర్‌రావు, ఎంపీ రేఖాశర్మ తదితర ప్రముఖ నాయకులు, పార్టీ శ్రేణులు పెద్ద సంఖ్యలో పాల్గొని మహిళలతో కలిసి బతుకమ్మ ఆడనున్నారు. ఈ వేడుకల నేపథ్యంలో సాగర్ సొసైటీ గ్రౌండ్ వద్ద ఏర్పాట్లను నిర్వాహకులు పూర్తి చేశారు.