నాగర్ కర్నూల్ జిల్లాలో ఉన్న పోలీస్ వాహనాల డ్రైవర్లకు ఉచిత కంటి పరీక్షలు

నాగర్ కర్నూల్  క్రైమ్, సూర్య న్యూస్: పోలీసు వాహనాలను నడిపే సిబ్బంది తరచూ కంటి పరీక్షలు చేయించుకోవాలని జిల్లా ఎస్పీ సంగ్రామ్ సింగ్ పాటిల్ సూచించారు. ఎంటీవో రాఘవరావు , ఏ ఎం టి ఓ  గౌస్ పాషా గార్ల ఆధ్వర్యంలో శుక్రవారం మండల పరిధిలోని  తుడుకుర్తిలోని ఎల్వి ప్రసాద్ ఐ హాస్పిటల్ లో పోలీస్ వాహనాల డ్రైవర్లకు ఉచిత కంటి పరీక్షలు నిర్వహించారు. ఈ సందర్భంగా వైద్య నిపుణులు డ్రైవర్లకు కంటి పరీక్షలు నిర్వహించి కంటి ఆరోగ్యం మరియు జాగ్రత్తలపై తగిన సూచనలు సలహాలు అందించారు వాహనాలు సురక్షితంగా నడపడానికి కంటిచూపు ఎంతో ముఖ్యమని డ్రైవర్లు క్రమం తప్పకుండా కంటి పరీక్షలు చేయించుకోవాలని సూచించారు పోలీస్ సిబ్బంది ఆరోగ్య భద్రతకు ప్రాధాన్యతనిస్తూ జిల్లా ఎస్పీ  ఈ కార్యక్రమాన్ని నిర్వహించేందుకు ఆదేశాలు జారీ చేశారు . తరచుగా జిల్లాలో ఉన్న పోలీస్ వాహనాల డ్రైవర్లు అందరూ ఆరోగ్య పరీక్షలు, కంటి పరీక్షలు చేయించుకోవాలని సూచించారు.
-----