మృతుడి కుటుంబానికి బీఆర్ఎస్ మండల అధ్యక్షుడు సుందరి అనిల్ రూ.11 వేల ఆర్థిక సాయం

కోట్ పల్లి, మేజర్ న్యూస్: కోట్‌పల్లి మండలం కరీంపూర్ గ్రామానికి చెందిన బర్వాద్ బాబూమియా మృతి చెందడంతో ఆయన కుటుంబానికి బీఆర్ఎస్ పార్టీ కోట్‌పల్లి మండల అధ్యక్షుడు సుందరి అనిల్ రూ.11 వేల ఆర్థిక సహాయం అందజేశారు. మృతుడి కుటుంబ సభ్యుడు ఖాజా హాజీకి ఈ మొత్తాన్ని అందించారు. కరీంపూర్ గ్రామంలో ఎవరైనా మృతి చెందితే వారి కుటుంబానికి రూ.11 వేల ఆర్థిక సహాయం అందిస్తానని గతంలో ఇచ్చిన మాట ప్రకారం ఈ సహాయం అందించినట్లు తెలిపారు. కష్టకాలంలో బాధిత కుటుంబానికి అండగా నిలవడం తన బాధ్యతగా భావిస్తున్నట్లు పేర్కొన్నారు. ఈ కార్యక్రమంలో గ్రామ సర్పంచ్ సదట్ పటేల్, ఉప సర్పంచ్ యేసు, గ్రామ పెద్దలు రషీద్, పక్రొద్దీన్, కరీం, పైజొద్దీన్, అబ్బు సిద్దిక్, బిచ్చయ్య, బండయ్య, రాజు, మదర్, యూసుఫ్, మొగులన్ సబ్, మైబు పటేల్, సలీం తదితరులు పాల్గొన్నారు.