andhrapradesh
విశాఖ మేయర్ గా ఘనవిజయం సాధించిన ముక్కా శ్రావణిని అభినందించిన మంత్రి నారా లోకేష్
సూర్య స్టేట్ బ్యూరో, అమరావతి :
ఇటీవల జరిగిన విశాఖపట్నం కార్పోరేషన్ ఎన్నికల్లో కూటమి తరపున టీడీపీ మేయర్ అభ్యర్థిగా పోటీచేసి అఖండ విజయం సాధించిన ముక్కా శ్రావణిని విద్య, ఐటీ శాఖల మంత్రి నారా లోకేష్ అభినందించారు. ఈ మేరకు సీఐఐ భాగస్వామ్య సదస్సులో పాల్గొనేందుకు విశాఖ చేరుకున్న మంత్రి నారా లోకేష్ ను బుధవారం సాయంత్రం ముక్కా శ్రావణి మర్యాదపూర్వకంగా కలిశారు. ఎన్నికల్లో ఘన విజయం సాధించిన ముక్కా శ్రావణిని ఈ సందర్భంగా లోకేష్ అభినందించి, శుభాకాంక్షలు తెలిపారు. విశాఖ టీడీపీ కంచుకోట అని మరోసారి నిరూపించారన్నారు. త్వరలో జరగబోయే 23 మున్సిపల్, కార్పోరేషన్ ఎన్నికల్లో అభ్యర్థుల విజయానికి కృషిచేసేలా ఇటీవల గెలిచిన అభ్యర్థులకు బాధ్యతలు అప్పగిస్తామని చెప్పారు.
