ఆపదలో ఉన్న కుటుంబానికి అండగా MSS సేవా సంస్థ మృతుడు గంగాధర కుటుంబానికి రూ. 2 లక్షల బీమా చెక్కు అందజేత
రుద్రంపేట అనంతపురం బ్యూరో మేజర్ న్యూస్ : రాజకీయాలకు అతీతంగా నిరుపేదలకు అండగా నిలుస్తూ పలు సేవా కార్యక్రమాలు నిర్వహిస్తున్న MSS సేవా సంస్థ మరోసారి తన మానవత్వాన్ని చాటుకుంది. రుద్రంపేట పంచాయతీ పరిధిలోని చంద్రబాబు నగర్‌కు చెందిన గంగాధర మూడు నెలల క్రితం మరణించగా, ఆయన కుటుంబానికి ఆర్థిక భరోసా కల్పిస్తూ రూ. 2,00,000 (రెండు లక్షల రూపాయల) బీమా మొత్తాన్ని సంస్థ ప్రతినిధులు అందించారు.
బీమా ద్వారా ఆర్థిక భరోసా:
MSS సేవా సంస్థ ఆధ్వర్యంలో గతంలో గంగాధర పేరుపై ఆంధ్రప్రదేశ్ గ్రామీణ బ్యాంక్ ద్వారా ప్రమాద బీమా మరియు జీవిత బీమా చేయించారు. ఆయన మరణానంతరం సంస్థ చొరవతో మంజూరైన రూ. 2 లక్షల బీమా మొత్తం మృతుడి భార్య సుజాత బ్యాంకు ఖాతాలో జమ అయ్యాయి. ఈ సందర్భంగా సుజాత కుటుంబ సభ్యులు సంస్థకు కృతజ్ఞతలు తెలిపారు.
నిరంతర సేవా కార్యక్రమాలు:
రుద్రంపేట పంచాయతీ వ్యాప్తంగా సుమారు వెయ్యి పేద కుటుంబాలకు సంస్థ సొంత నిధులతో బ్యాంకు ఖాతాలు ప్రారంభించి, వారి తరపున బీమా ప్రీమియం చెల్లించి భద్రత కల్పిస్తోంది. అంతేకాకుండా, ఈ సంస్థ ద్వారా నిర్వహిస్తున్న ఇతర సేవా కార్యక్రమాలు స్థానికుల మన్ననలు పొందుతున్నాయి.
రిపోర్టర్ : మొయినుద్దీన్ అనంతపురం బ్యూరో మేజర్ న్యూస్
