వైయస్ జగన్మోహన్ రెడ్డి కలిసిన మాజీ ఎమ్మెల్యే జక్కంపూడి రాజా

నేటి దినపత్రిక సూర్య బ్యూరో రాజమహేంద్రవరంతూర్పుగోదావరి జిల్లావైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్మోహన్ రెడ్డిని కోరుకొండ మండలంలో వైఎస్సార్‌సీపీ తరఫున ఎంపీటీసీ సభ్యులుగా విజయం సాధించిన అభ్యర్థులు కలిశారు. మాజీ ఎమ్మెల్యే, వైఎస్సార్ కాంగ్రెస్ పార్టీ యువజన విభాగం రాష్ట్ర అధ్యక్షులు జక్కంపూడి రాజా సారథ్యంలో గెలుపొందిన ఎంపీటీసీ సభ్యులు బుధవారం రాత్రి జగన్‌ను మర్యాద పూర్వకంగా కలిశారు. ఈ సందర్భంగా ఎంపీటీసీ సభ్యులను రాజా జగన్ కు పరిచయం చేశారు.స్థానిక సంస్థల ఎన్నికల్లో రాష్ట్రవ్యాప్తంగా వైఎస్సార్‌సీపీకి ప్రతికూల పరిస్థితులు ఎదురై నప్పటికీ రాజానగరం నియోజకవర్గంలో పార్టీ మెరుగైన ఫలితాలు సాధించడంపై జగన్ హర్షం వ్యక్తం చేశారు. ఈ సందర్భంగా విజయం సాధిం చిన ఎంపీటీసీ సభ్యులతో పాటు జక్కంపూడి రాజాను అభినందించారు.అనంతరం ఎంపీటీసీ సభ్యులకు జగన్ ధైర్యం చెప్పారు. రానున్న రోజుల్లో పార్టీ బలోపేతానికి మరింత సమర్థవంతంగా పనిచేయాలని సూచించారు. రానున్న పంచాయతీ ఎన్నికల్లో పార్టీ సానుభూతిపరుల విజయానికి కృషి చేయాలని పిలుపునిచ్చారు. ముఖ్యంగా కోరుకొండ మండలంలో జనసేన పార్టీ ఎంపీపీ అభ్యర్థిని ఓడించి విజయం సాధించిన పెన్నాడ సుమను జగన్ ప్రత్యేకంగా అభినందించారు.

జగన్‌ను కలిసిన వారిలో ఎంపీటీసీ సభ్యులు పట్నాల సత్యనారాయణ (కోటికేశవరం), నేతుల లక్ష్మీనారాయణ, వెంకట దుర్గా కళ్యాణి (కోరుకొండ-1), కొండము లక్ష్మి (కాపవరం), అనపర్తి మణికంఠ (బుచ్చంపేట), తుమ్మల లక్ష్మి (జగన్నాధపురం), మొకమాటి (జంబుపట్నం), గొడ్డు మహాలక్ష్మి, కర్రీ నాగదుర్గ వెంకటేశ్వరరావు (దోసకాయలపల్లి), దాడి శ్రీను (నిడిగట్ల) తదితరులు ఉన్నారు.