ట్రాక్టర్‌–బైక్‌ ఢీ.. ఇద్దరు మృతి
సూర్య, మోపాల్:మోపాల్ మండలం కంజర గ్రామంలోబుధవారం రాత్రి 10గంటలకు,ఘోర రోడ్డు ప్రమాదం చోటుచేసుకుంది. ట్రాక్టర్‌, బైక్‌ ఎదురెదురుగా ఢీకొన్న ఘటనలో బైక్‌పై ప్రయాణిస్తున్న ఇద్దరు వ్యక్తులు మృతి చెందారు.మోపాల్ పోలీసులు తెలిపిన వివరాల ప్రకారం.. మోపాల్ పోలీస్‌స్టేషన్‌ పరిధిలోని కంజర గ్రామంలో రైస్‌మిల్ సమీపంలో గడ్డి లోడుతో ఉన్న ట్రాక్టర్‌ గ్రామంలోకి వెళ్తోంది. అదే సమయంలో గ్రామం నుంచి బైక్‌పై ఇద్దరు వ్యక్తులు ప్రధాన రహదారిపైకి వస్తుండగా ట్రాక్టర్‌, బైక్‌ ఎదురెదురుగా ఢీకొన్నాయి.ఈ ప్రమాదంలో బైక్‌పై ఉన్న మనోజ్,రాజు అక్కడికక్కడే మృతి చెందారు. సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు. మృతదేహాలను పోస్టుమార్టం నిమిత్తం నిజామాబాద్‌ ప్రభుత్వ జనరల్‌ ఆసుపత్రి (జీజీహెచ్‌)కు తరలించారు.ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ సుస్మిత తెలిపారు.
