మోడల్ స్కూల్లో గెస్ట్ ఫ్యాకల్టీ దరఖాస్తులకు ఆహ్వానం

జిన్నారం:బొల్లారం డివిజన్ పరిధిలోని తెలంగాణ మోడల్ స్కూల్లో గెస్ట్ ఫ్యాకల్టీ నియామకానికి దరఖాస్తులను ఆహ్వానిస్తున్నట్లు పాఠశాల ప్రిన్సిపాల్ శ్రీదేవి తెలిపారు. యంగ్ ఇండియా ఇనిస్ట్యూట్ ఆఫ్ ఎక్సలెన్స్ వారి ఆధ్వర్యంలో ఇంటర్మీడియట్ విద్యార్థులకు నీట్ జేఈఈ కోచింగ్ లో భాగంగా మాథ్స్ ఫిజిక్స్ కెమిస్ట్రీ బాటనీ జువాలజీ బోధించడానికి పార్ట్ టైం ప్రతిపాదికన సంబంధిత సబ్జెక్టులలో పోస్ట్ గ్రాడ్యుయేషన్ పూర్తి చేసి మూడు సంవత్సరాల అనుభవం కలిగిన అభ్యర్థులు నవంబర్ 2 తేదీలోగా ప్రిన్సిపల్ను సంప్రదించాలన్నారు. ఎంపిక చేయబడిన అభ్యర్థులు ఉదయం 8 గంటల నుండి 9 గంటల వరకు సాయంత్రం 4 గంటల నుండి 5 గంటల వరకు గెస్ట్ ఫ్యాకల్టీగా తరగతులు నిర్వహించాలని సూచించారు. ఈ అవకాశాన్ని అర్హులైన అభ్యర్థులు సద్వినియోగం చేసుకోవాలని ప్రిన్సిపల్ కోరారు.