బొల్లారం డివిజన్ లో అకాల వర్షం

  జిన్నారం:గత కొన్ని రోజులుగా వాతావరణంలో కాలాలకు విరుద్ధంగా భిన్నమైన మార్పులు చోటుచేసుకుంటున్నాయి. ఒకవైపు ఎండ తీవ్రత, మరోవైపు ఉక్కపోతతో ప్రజలు ఇబ్బందులు ఎదుర్కొంటున్న తరుణంలో బొల్లారం డివిజన్ పారిశ్రామికవాడలో శుక్రవారం ఒక్కసారిగా కురిసిన అకాల వర్షం పట్టణ ప్రజలను పలకరించింది. ఉన్నట్టుండి ఆకాశం మేఘావృతమై వర్షం కురవడంతో వాతావరణం ఒక్కసారిగా చల్లబడింది. కొద్దిరోజులుగా నెలకొన్న వేడి వాతావరణంతో ఇబ్బందులు పడుతున్న ప్రజలకు ఈ వర్షం కొంత ఉపశమనం కలిగించింది. వర్షపు జల్లులతో రహదారులు తడిసి ముద్దవగా, పరిసర ప్రాంతాల్లో చల్లని వాతావరణం నెలకొంది. అకాల వర్షంతో పట్టణ ప్రజలు ఆనందం వ్యక్తం చేశారు. అయితే వాతావరణంలో చోటుచేసుకుంటున్న ఆకస్మిక మార్పుల నేపథ్యంలో ప్రజలు అప్రమత్తంగా ఉండాలని పలువురు సూచిస్తున్నారు. ఈ కార్యక్రమంలో హైడ్రామాన్సూన్  సిబ్బంది పాల్గొన్నారు.