కరెంటు షాక్ తో.. ఇద్దరు ఇంజనీరింగ్ విద్యార్థులు మృతి

బహిరంగ ప్రదేశాల్లో మద్యం సేవిస్తుండగా పెట్రోలింగ్ పోలీసులను చూసి, భయంతో పొలాల వైపు పరుగులు తీసి కరెంట్ షాక్ కు గురయ్యారు

మొయినాబాద్ మేజర్ న్యూస్ (అక్టోబర్ 31):

"కేజీ రెడ్డి ఇంజినీరింగ్ కళాశాల విద్యార్థులు రాత్రి సమయంలో మద్యం సేవిస్తూ ఉండగా, పోలీసుల పెట్రోలింగ్ వాహనాన్ని చూసి భయపడి పక్కనే ఉన్న పొలాల్లోకి వెళ్లినట్లు సమాచారం.

అయితే, అడవి పందుల బెడద నివారణ కోసం పొలాల చుట్టూ ఏర్పాటు చేసిన విద్యుత్ తీగలు తగిలి విద్యార్థులు మృతి చెందినట్లు చెబుతున్నారు.

ఈ ఘటన మొయినాబాద్ మండలం పెద్దమంగళారం గ్రామ పరిధిలోని సర్వే నంబర్లు 320, 330 వద్ద జరిగినట్లు తెలుస్తోంది.

రాజిరెడ్డి అనే రైతుకు చెందిన సుమారు అర ఎకరం వ్యవసాయ భూమిని కౌలుకు తీసుకుని సాగు చేస్తున్నట్లు సమాచారం. పంటలను అడవి పందుల నుంచి రక్షించేందుకు పొలం చుట్టూ విద్యుత్ తీగలు ఏర్పాటు చేసినట్లు చెబుతున్నారు. ఇంకా పూర్తిగా విద్యార్థుల వివరాలుతెలియాల్సి ఉంది