మిషన్ భగీరథ నీటి వృధా నివారణ చర్యలపై అవగాహన

  జిన్నారం: బొల్లారం డివిజన్ పరిధిలోని మిషన్ భగీరథ నీటి వృధా జరగకుండా కట్టుదిట్టమైన చర్యలు తీసుకోవాలని వాటర్ లైన్ మెన్ లకు మిషన్ భగీరథ వర్క్ ఇన్స్పెక్టర్ కౌశిక్ పలు సూచనలు చేశారు. ఈ మేరకు లైన్ మెన్లతో సోమవారం అవగాహన సమావేశాన్ని నిర్వహించారు. డివిజన్ పరిధిలో ఎక్కడైనా లీకేజీలు ఏర్పడితే తక్షణమే చర్యలు తీసుకునేలా దిశా నిర్దేశం చేశారు. ఉద్యోగాలకు పనులకు వెళ్లే ప్రజలు నీటి వృధాను అరికట్టేలా ఆన్ ఆఫ్ వాల్ లను ఏర్పాటు చేసుకోవాలని కోరారు. అలా కాకుండా నిర్లక్ష్యంగా వ్యవహరించి నీటి వృధాకు పాల్పడితే తక్షణమే నల్ల కనెక్షన్ తొలగించడం జరుగుతుందన్నారు. ప్రస్తుతం ఉన్న పరిస్థితుల్లో తాగునీటి ప్రాధాన్యత అంశాలను దృష్టిలో ఉంచుకొని ప్రతి ఒక్కరు సిబ్బందికి సహకరించాలని కోరారు. కార్యక్రమంలో వాటర్ లైన్మెన్లు మహేశ్వర్ రెడ్డి, వినోద్ , రఘు, తదితరులు పాల్గొన్నారు.