మేడ్చల్లో అదుపుతప్పి బోల్తాపడిన స్కూటీ.. స్థానికుల చొరవతో బాధితుడికి సకాలంలో వైద్యం
మేడ్చల్, మేజర్ న్యూస్ : మేడ్చల్ పట్టణంలోని లోటస్ ఎంక్లేవ్ సెంటర్ వద్ద రోడ్డు ప్రమాదం చోటుచేసుకుంది. స్కూటీ అదుపుతప్పి బోల్తాపడటంతో వాహనదారుడు ప్రమాదానికి గురయ్యాడు. ఈ ఘటనను గమనించిన స్థానికులు వెంటనే స్పందించి బాధితుడిని రక్షించారు. అనంతరం 108 అంబులెన్స్కు సమాచారం అందించడంతో సిబ్బంది అక్కడికి చేరుకుని బాధితుడికి ప్రథమ చికిత్స అందించి సమీపంలోని ఆసుపత్రికి తరలించారు. స్థానికులు సకాలంలో స్పందించడంతో బాధితుడిని వెంటనే ఆసుపత్రికి చేర్చగలిగారు. ప్రమాదానికి గల కారణాలు, బాధితుడి ఆరోగ్య పరిస్థితికి సంబంధించిన పూర్తి వివరాలు తెలియాల్సి ఉంది. వాహనదారులు రహదారులపై ప్రయాణించే సమయంలో అప్రమత్తంగా ఉండాలని, వేగ నియంత్రణ పాటిస్తూ జాగ్రత్తగా వాహనాలు నడపాలని స్థానికులు సూచిస్తున్నారు.