మలబార్ గ్రూప్ 34 వ వ్యవస్థాపక దినోత్సవం సందర్భంగా.... పరిశుభ్రత కార్యక్రమాలు
మాదాపూర్,మేజర్ న్యూస్ : మలబార్ గ్రూప్ 34వ వ్యవస్థాపక దినోత్సవం సందర్భంగా తెలంగాణవ్యాప్తంగా పరిశుభ్రత కార్యక్రమాలు నిర్వహించారు. హైదరాబాద్‌లోని సోమాజిగూడ, హిమాయత్‌నగర్‌తో పాటు పలు ప్రాంతాల్లోని షోరూమ్‌ల వద్ద పారిశుద్ధ్య కార్యక్రమాలు చేపట్టారు.ఈ కార్యక్రమంలో మెడికల్ ఆఫీసర్ భార్గవ్ నారాయణ ముఖ్య అతిథిగా పాల్గొన్నారు. మలబార్ గ్రూప్ తెలంగాణ జోనల్ హెడ్ మహమ్మద్ శరీజ్ కె., ఏపీ, తెలంగాణ మార్కెటింగ్ హెడ్ కె. రాకేష్ కుమార్ తదితరులు పాల్గొన్నారు. దేశవ్యాప్తంగా 9 వేల మందికి పైగా ఉద్యోగులు ఈ కార్యక్రమంలో భాగస్వాములయ్యారు.ఈ సందర్భంగా గ్రూప్ ఛైర్మన్ ఎం.పి. అహమ్మద్ మాట్లాడుతూ పర్యావరణ పరిరక్షణ, సామాజిక బాధ్యత, సుపరిపాలనకు సంస్థ ప్రాధాన్యమిస్తోందన్నారు. ఇందులో భాగంగా వచ్చే ఏడాదిలో దేశవ్యాప్తంగా లక్ష మొక్కలు నాటాలని లక్ష్యంగా పెట్టుకున్నట్లు తెలిపారు. హంగర్ ఫ్రీ వరల్డ్, నిరుపేద పిల్లలకు మైక్రో లెర్నింగ్ సెంటర్లు, బాలికలకు ఉపకార వేతనాలు, వృద్ధ మహిళల కోసం గ్రాండ్‌మా హోమ్స్ వంటి సేవా కార్యక్రమాలను నిర్వహిస్తున్నట్లు పేర్కొన్నారు.
