మహాపాదయాత్ర సందర్భంగా అటవీశాఖ ప్రత్యేక జాగ్రత్తలు
సూర్య సిర్పూర్ టి: శ్రీ టోంకిని సిద్ధి హనుమాన్ స్వామివారిని దర్శనానికి పాదయాత్రగా వెళ్ళే భక్తులకు అటవీశాఖ ప్రత్యేక జాగ్రత్తలు సూచించింది. అటవీ మార్గంలో ప్రయాణించేటప్పుడు వన్యప్రాణులు దాడి చేసే అవకాశం ఉండడంతో, అటవీ ప్రాంతం గుండా వెళ్ళే భక్తులు గుంపులుగా వెళ్ళాలని, ఒంటరిగా వెళ్ళవద్దని ఎఫ్ఆర్ఓ శ్రీనివాస్ సూచించడం జరిగింది. వార్ధా నదిలో ఈతకు వెళ్ళరాదని, నదిలో మొసళ్ళ సంచారం ఉన్న దృష్ట్యా, నది వద్ద అటవీశాఖ సిబ్బందిని గస్తీ ఉంచడం జరిగిందని ఆయన తెలిపారు. మహాపాదయాత్ర సందర్భంగా పలు దారుల్లో అటవీశాఖ సిబ్బందిని మోహరించడం జరిగిందని తెలిపారు.