మాదకద్రవ్యాలకు యువత దూరంగా ఉండాలి

నవాబుపేట సూర్య న్యూస్:మండల కేంద్రంలోని యన్మనగండ్ల ప్రభుత్వ జూనియర్ కళాశాల ఆడిటోరియంలో యువత లక్ష్య సాధన,మాదకద్రవ్యాల నియంత్రణపై అవగాహన కార్యక్రమం నిర్వహించారు.ఈ సందర్భంగా వక్తలు మాట్లాడుతూ..దేశ భవిష్యత్తు యువత చేతుల్లోనే ఉందని,విద్యార్థులు మాదకద్రవ్యాలు,చెడు వ్యసనాలకు దూరంగా ఉంటూ సత్ప్రవర్తనతో ఉన్నత లక్ష్యాలను సాధించాలని సూచించారు.ప్రధానమంత్రి నరేంద్ర మోదీ ఆకాంక్షించినట్లుగా 2047నాటికి అభివృద్ధి చెందిన భారతదేశ నిర్మాణంలో యువత కీలక పాత్ర పోషించాలని అన్నారు.విద్య,వైద్యం,ఆర్థిక స్వావలంబన,మహిళా సాధికారత వంటి రంగాల్లో దేశం ప్రగతి సాధించేందుకు యువత కృషి చేయాలని అన్నారు.ఈ కార్యక్రమంలో బీజేపీ మండల ప్రధాన కార్యదర్శి గణేష్ చారి,జిల్లా బీజేవైఎం ఉపాధ్యక్షుడు బుడ్డోళ్ల అంజనేయులు,మండల బీజేవైఎం అధ్యక్షుడు నరేష్,శివాజీ,జిల్లా కార్యవర్గ సభ్యుడు యాదయ్య,బీజేవైఎం నాయకులు,బీజేపీ కార్యకర్తలు,ప్రభుత్వ సిబ్బంది తదితరులు పాల్గొన్నారు.