మాదకద్రవ్యాల నిర్మూలనపై విద్యార్థుల అవగాహన ర్యాలీ

సంస్థాన్ నారాయణపురం : మండలంలోని  జనగాం గ్రామంలో బాలల దినోత్సవం సందర్భంగా జిల్లా పరిషత్ ఉన్నత పాఠశాల విద్యార్థులు మాదకద్రవ్యాల నిర్మూలనపై అవగాహన ర్యాలీ నిర్వహించారు. నషా ముక్త్ భారత్ అభియాన్‌లో భాగంగా నిర్వహించిన ఈ కార్యక్రమంలో విద్యార్థులు గ్రామంలో పర్యటిస్తూ మాదకద్రవ్యాల వినియోగం వల్ల కలిగే అనర్థాలను వివరిస్తూ గ్రామ ప్రజలు, యువతకు అవగాహన కల్పించారు. ఈ కార్యక్రమంలో పాఠశాల ప్రధానోపాధ్యాయురాలు కత్తుల ఉదయ, నషా ముక్త్ విద్యాలయ కోఆర్డినేటర్ హనీఫ్ అహ్మద్, గ్రామ సర్పంచ్ లోడే రఘు, ఉపాధ్యాయులు, గ్రామపంచాయతీ పాలకవర్గ సభ్యులు, గ్రామ ప్రజలు పాల్గొన్నారు.