లక్ష్మీదేవిగా దర్శనమిచ్చిన జగదాంబ మాత
ఘట్‌కేసర్‌ రూరల్, మేజర్ న్యూస్ : మల్కాజిగిరి మున్సిపల్ కార్పొరేషన్‌ ఘట్‌కేసర్‌ సర్కిల్‌ పోచారం డివిజన్‌ అన్నోజిగూడలోని శ్రీ జగదాంబ మాత, శ్రీ సంత్‌ సేవాలాల్‌ మహారాజ్‌ ఆలయంలో నిర్వహిస్తున్న దుర్గామాత నవరాత్రి మహోత్సవాల్లో భాగంగా ఏడో రోజు అమ్మవారు లక్ష్మీదేవి అలంకరణలో భక్తులకు దర్శనమిచ్చారు. ఈ సందర్భంగా ప్రత్యేక పూజలు, గణపతి హోమం నిర్వహించి లోకకల్యాణం, సుఖసంతోషాలు, ఆయురారోగ్యాలు కలగాలని ప్రార్థించారు. అమ్మవారి దర్శనానికి భక్తులు తరలిరావడంతో ఆలయంలో ఆధ్యాత్మిక వాతావరణం నెలకొంది. అనంతరం నానవత్‌ తారాసింగ్‌ నాయక్‌ ఆధ్వర్యంలో భక్తులకు అన్నదాన ప్రసాద వితరణ చేపట్టారు. అన్నదాన కార్యక్రమానికి సహకరించిన తారాసింగ్‌ నాయక్‌, ఆయన కుటుంబ సభ్యులకు ఆలయ కమిటీ కృతజ్ఞతలు తెలిపింది. ఈ కార్యక్రమంలో నానవత్‌ రాంసింగ్‌ నాయక్‌, శేఖర్‌ నాయక్‌, రాజు నాయక్‌, జితేందర్‌ నాయక్‌, భిక్కు నాయక్‌, డాక్టర్ దారావత్‌ కిరణ్‌కుమార్‌, విశ్లావత్‌ జగన్‌ నాయక్‌, అంగోత్‌ లక్ష్మణ్‌ నాయక్‌, నానవత్‌ రమేష్ నాయక్‌, విశ్లావత్‌ రాంసింగ్‌ నాయక్‌, ట్రస్టు బోర్డు సభ్యులతో పాటు బంజారా యూత్‌ సభ్యులు విష్ణు, అభిలాష్‌, చరణ్‌, ఆదిత్య, రామ్‌, గ్రామ పెద్దలు, అధిక సంఖ్యలో భక్తులు పాల్గొని కార్యక్రమాన్ని విజయవంతం చేశారు.
