క్రీడల్లో గెలుపు ఓటములు సహజం ఎస్సై చంద్రకుమార్

సూర్య, సుల్తానాబాద్

క్రీడల్లో గెలుపు ఓటములు సహజమని ఎస్సై చంద్రకుమార్ అన్నారు. అండర్ 17 విభాగంలో జరిగే క్రీడా పోటీలకి జిల్లాలోని వివిధ జ్యోతిబాపూలే పాఠశాలల నుండి విద్యార్థులు వచ్చి పాల్గొనగా ఎస్సై ప్రారంభించి మాట్లాడుతూ క్రీడలు రాష్ట్ర, దేశ సమగ్రతకు అభివృద్ధికి ఎంతగానో ఉపయోగపడతాయని, విద్యార్థులు జిల్లాస్థాయి నుంచి రాష్ట్రస్థాయి జాతీయస్థాయిలో రాణించాలని పేర్కొన్నారు.
విద్యార్థులు చిన్నప్పటి నుంచే క్రీడాంశాల్లో ఆసక్తి పెంచుకోవాలని, క్రీడల్లో కూడా ఉజ్జల భవిష్యత్తు ఉందని అన్నారు. ఈ కార్యక్రమంలో భూపతిపూర్ సర్పంచ్ చిన్నయ్య,  సుల్తానాబాద్ బీసీ గురుకుల పాఠశాల ప్రిన్సిపల్ హెన్రీ, వైస్ ప్రిన్సిపల్ సంతోష్ కుమార్, డిప్యూటీ వార్డెన్ ప్రమోద్ కుమార్ , ఉపాధ్యాయులు,  వివిధ పాఠశాలల క్రీడ ఉపాధ్యాయులు విద్యార్థులు పాల్గొన్నారు.