జిల్లాస్థాయి ఖో-ఖో పోటీలకు క్రీడాకారుల ఎంపిక

సూర్య,భీమ్‌గల్ : భీమ్‌గల్ పట్టణంలోని శ్రీ సరస్వతీ విద్యామందిర్ పాఠశాలలో శుక్రవారం ఎస్‌జీఎఫ్ ఆధ్వర్యంలో భీమ్‌గల్ అర్బన్ స్థాయి అండర్‌-17 బాలబాలికల ఖో-ఖో ఎంపిక పోటీలు నిర్వహించారు. ఈ పోటీల్లో పట్టణంలోని వివిధ పాఠశాలలకు చెందిన క్రీడాకారులు ఉత్సాహంగా పాల్గొన్నారు.పోటీల్లో ఉత్తమ ప్రతిభ కనబరిచిన 12 మంది బాలురు, 12 మంది బాలికలను జిల్లాస్థాయి పోటీలకు ఎంపిక చేసినట్లు అర్బన్ ఇన్‌చార్జి సదమస్తుల రమణ తెలిపారు. ఎంపికైన క్రీడాకారులు ఈ నెల 10వ తేదీన ఆర్మూర్ మండలం పిప్రి గ్రామంలోని జిల్లా పరిషత్ ఉన్నత పాఠశాలలో నిర్వహించే జిల్లాస్థాయి పోటీల్లో పాల్గొంటారని పేర్కొన్నారు.ఈ కార్యక్రమంలో మండల ఎంఈఓ స్వామి, పాఠశాల అడ్మినిస్ట్రేటివ్ ఆఫీసర్ జి. నర్సారెడ్డి, ప్రధానోపాధ్యాయులు పి. సాయి చరణ్, అకౌంటెంట్ పి. హరికృష్ణ, వ్యాయామ ఉపాధ్యాయులు నరేష్, గంగాధర్, సుమన్, లింగం, ప్రశాంత్, రాజశేఖర్, శిరీష తదితరులు పాల్గొన్నారు.