కూరెళ్ల అంగన్వాడీ హెల్పర్(ఆయా) కమలమ్మ కుటుంబానికి పది లక్ష ఎక్స్ గ్రేషియాను ఇవ్వాలి

కోహెడ ; కోహెడ మండలలోని కూరెళ్ల గ్రామానికి చెందిన అంగన్వాడీ హెల్పర్(ఆయా) వలుస కమలమ్మ అనారోగ్యంతో చనిపోయారు.ఇట్టి విషయం తెలుసుకున్న జాతీయ బీసీ సంక్షేమ సంఘం జిల్లా అధ్యక్షులు, కంటస్టెడ్ ఎమ్మెల్సీ పిడిశెట్టి రాజు శనివారం రోజున వారి కుమారుడు ప్రముఖ సామాజిక వేత్తలు వలుస సుభాష్ ని పరామర్శించారు. ఈసందర్బంగా వారు మాట్లాడుతూ గత ఇరవై ఏనమిది ఏళ్లుగా అంగన్వాడీ కేంద్రంలో ఆయా గా విధులు నిర్వహిస్తూ అంకిత భావంతో పని చేసి నీతి నిజాయితీకి మారు పేరు అని వారి సేవలు కొనియాడారు.వారి సేవలు గుర్తించి రాష్ట్ర ప్రభుత్వం రూపాయలు పది లక్షలు ఎక్స్ గ్రేషియాను ప్రకటించి ఆదుకోవాలని మంత్రి పొన్నం ప్రభాకర్ గౌడ్ కు రాజు విజ్ఞప్తి చేశారు. ఈకార్యక్రమంలో కళాకారుల సంఘం నాయకులు రామోజు రాజు,మహేష్,భూమన్న తదితరులు పాల్గొన్నారు.