ఓల్డ్ మల్కాజిగిరి‌లో మాజీ కార్పొరేటర్ శ్రవణ్ పర్యటన
మల్కాజిగిరి, మేజర్ న్యూస్: మల్కాజిగిరి డివిజన్ పరిధిలోని ఓల్డ్ మల్కాజిగిరి‌లో శనివారం మాజీ కార్పొరేటర్ శ్రవణ్ పర్యటిం చారు. ఈ సందర్భంగా ఆయన, స్ధానికులను కలిసి వారు ఎదుర్కొంటున్న సమస్యలను అడిగి తెలుసుకున్నారు. రానున్న వేసవిలో తమకు నీటి కొరత ఏర్పడే అవకాశం ఉన్నం దున నూతనంగా బోర్ వేయించాలని కోరు తూ స్ధానికులు, శ్రవణ్ కు వినతి పత్రాన్ని సమర్పించారు. మురికి కాలువలను క్లీన్
చేయట్లేదని స్థానికులు ఫిర్యాదు చేయడం తో, ఆయన వెంటనే మేరకు వాటర్ వర్క్స్ మేనేజర్ సిరాజ్ తో ఫోన్ లో మాట్లాడారు. ఎప్పటికప్పుడు డ్రైనేజీలను పరిశుభ్రం చేయించాలని, అదే విధంగా సిల్ట్ ను త్వరి తగతిన ఎత్తించాలని, ఎక్కడా మంచినీరు వృధా కాకుండా తగిన చర్యలు తీసుకో వాలని శ్రవణ్, వాటర్ వర్క్స్ అధికారులకు సూచించారు. దీనికి సానుకూలంగా స్పం దించిన వాటర్ వర్క్స్ మేనేజర్ సిరాజ్ మాట్లాడుతూ, తానే వ్యక్తిగతంగా పర్యటించి , ఆయా సమస్యలను పరిశీలిస్తానని హామీ నిచ్చారు. ఈ కార్యక్రమంలో బీజేపీ సీనియర్ నాయకులు జైకృష్ణ, వేణుగోపాల్,అభిషేక్ స్థానికులు ప్రదీప, రాజిరెడ్డి, సుజాత, సంధ్య, ఫాతిమా, రమ్య, నహిద్, సుకన్య, ప్రియాంక తదితరులు పాల్గొన్నారు.
