విద్యార్థుల తల్లిదండ్రుల ఆందోళన.

కోహెడ;  మండలంలోని బస్వాపూర్ గ్రామ ప్రభుత్వ పాఠశాలలో విద్యార్థులకు అందిస్తున్న మధ్యాహ్న భోజనంలో పురుగులు కనిపించిన విషయం తల్లిదండ్రులు మరియు గ్రామ యువత దృష్టికి వచ్చింది. ఈ విషయం పిల్లల ఆరోగ్యానికి సంబంధించినది కావడంతో తల్లిదండ్రులు, గ్రామ యువకులు పాఠశాల హెచ్‌ఎం ఇన్‌చార్జ్ ఎంఈఓ పద్మయ్యను ప్రశ్నించి, భోజన నాణ్యతపై తగిన వివరణ కోరారు.ప్రభుత్వ పాఠశాలలో చదువుతున్న చిన్నారులకు అందించే మధ్యాహ్న భోజనం శుభ్రంగా, నాణ్యంగా, ఆరోగ్యకరంగా ఉండటం ప్రతి ఒక్కరి బాధ్యత. ఇలాంటి ఘటనలు మరోసారి జరగకుండా భోజనం తయారీ, పదార్థాల నాణ్యత, వంటశాల పరిశుభ్రత మరియు భోజనం పంపిణీ ప్రక్రియను సంబంధిత అధికారులు క్షుణ్ణంగా పరిశీలించాలని కోరుతున్నాము.పిల్లల ఆరోగ్య విషయంలో నిర్లక్ష్యానికి తావు లేకుండా, ఈ ఘటనపై తగిన విచారణ జరిపి, బాధ్యులపై నిబంధనల ప్రకారం చర్యలు తీసుకోవడంతో పాటు భవిష్యత్తులో ఇలాంటి ఘటనలు పునరావృతం కాకుండా శాశ్వతమైన నాణ్యత నియంత్రణ  చర్యలు చేపట్టాలని తల్లిదండ్రులు మరియు గ్రామ యువత డిమాండ్ చేశారు. ఇట్టి కార్యక్రమంలో గ్రామ సర్పంచ్ బానోతు లింగం, గ్రామ ఉపసర్పంచ్ తాటిపాముల ప్రవీణ్, వార్డ్ మెంబర్ లు మంకాల నవీన్, బండి సంపత్, పుల్లూరి నవీన్, వర్కులు గణేష్  మాజీ సర్పంచ్ తాటిపాముల శ్రీనివాస్, మాజీ ఎంపిటిసి కొక్కుల రమేష్, కాల్వ మల్లేష్, ఎండి ఇక్బాల్, తాటిపాముల శ్రీనివాస్ తాడం శంకర్, చామంతుల బాలరాజ్, సంతోష్, గాదాసు భాస్కర్, నర్సింలు, సురేష్ నాయక్, కోల రాజు, తాటిపాముల సుధీర్, గాదాస్ రాజు, వీరస్వామి, పోశయ్య, శ్రీనివాస్, మరియు గ్రామ ప్రజలు తదితరులు పాల్గొన్నారు