రాత్రివేళల్లో అక్రమ మొరం తవ్వకాలు, యథేచ్ఛగా రవాణా : ప్రభుత్వ ఆదాయానికి గండి :

సూర్య ముధోల్ మండలం. :
ముధోల్ మండల కేంద్రంలో రాత్రివేళల్లో అక్రమ మొరం తవ్వకాలు, రవాణా యథేచ్ఛగా కొనసాగుతున్నాయని స్థానికులు ఆరోపిస్తున్నారు. రెండు నెలల క్రితం మైనింగ్ అధికారులు తనిఖీలు నిర్వహించి, అనుమతులు లేకుండా తవ్వకాలు చేపట్టరాదని హెచ్చరించినా పరిస్థితిలో మార్పు లేదని పేర్కొంటున్నారు. అధికారుల నిఘా లోపాన్ని ఆసరాగా చేసుకుని అక్రమార్కులు దందా సాగిస్తున్నారని, దీంతో ప్రభుత్వ ఆదాయానికి గండి పడుతోందని ఆవేదన వ్యక్తం చేస్తున్నారు. సంబంధిత అధికారులు రాత్రివేళల్లో నిఘా పెంచి, అక్రమ తవ్వకాలను అరికట్టాలని స్థానికులు కోరుతున్నారు.