జిల్లాలో ఎల్ నినో గ్రామసభలు సమర్థవంతంగా నిర్వహించాలి. అదనపు కలెక్టర్ నగేష్

మెదక్ ; జిల్లాలో ఎల్ నినో గ్రామసభలు సమర్థవంతంగా నిర్వహించాలని అదనపు  కలెక్టర్ నగేష్ అధికారులను, ఎంపీడీవోలను ఆదేశించారు. 
గురువారం సమీకృత కలెక్టరేట్ కార్యాలయం నుండి జిల్లా గ్రామీణ అభివృద్ధి, పంచాయితీ, మిషన్ భగీరథ, ఆర్డబ్ల్యూఎస్ , పంచాయతీరాజ్ జిల్లా సంక్షేమ శాఖ అధికారులతో కలిసి ఎంపీడీవోలతో ఎల్ నినో గ్రామసభలు, ఇందిరమ్మ ఇండ్ల పురోగతి, జలసిరి పనులు, అంగన్వాడి బిల్డింగ్స్ నిర్మాణం, తదితర అంశాలపై గూగుల్ మీట్ నిర్వహించారు. ముందుగా ఎల్ నినో 
గ్రామసభల నిర్వహణ తీరుపై వివిధ మండలాల ఎంపీడీవోల వారిగా రివ్యూ నిర్వహించారు.ఈ సందర్భంగా అదనపు కలెక్టర్ నగేష్ మాట్లాడుతూ జిల్లాలో ఎల్ నినో గ్రామసభలు క్షేత్రస్థాయిలో సంబంధిత అధికారులతో కలిసి ప్రజలకు అవగాహన కల్పించాలన్నారు.జలసిరి పనులకు సంబంధించి కొన్ని మండలాల్లో  కొత్త పనుల ప్రారంభం, గ్రౌండింగ్, పూర్తిలో ఆశించిన పురోగతి కనిపించడం లేదని  అసంతృప్తి వ్యక్తం చేశారు.  మంజూరైన పనులను వేగవంతం చేయాలని ఆదేశించారు. కమ్యూనిటీ సోక్‌పిట్స్ నిర్మాణంలో కూడా  పురోగతి పెంచాలన్నారు. . వచ్చే వారం నాటికి నిర్దేశించిన లక్ష్యాలకు , మంజూరైన పనులన్నీ ప్రారంభించి పురోగతి సాధించాలని ఆదేశించారు.గ్రామసభలు నిర్వహించేటప్పుడు ప్రతి శాఖ యాక్టివిటీ గురించి తప్పనిసరిగా చర్చించాలన్నారు. జిల్లా విద్యాశాఖ  తరఫున పాఠశాలల్లో ఎల్ నినో అంశంపై విద్యార్థులతో మాట్లాడించాలన్నారు.
ప్రతి మండలం వ్యక్తిగత  ఇంకుడు గుంతల నిర్మాణంలో ప్రత్యేక శ్రద్ధ వహించాలన్నారు. వర్షాభావ పరిస్థితుల వల్ల రైతులు ఎదుర్కొంటున్న ఇబ్బందులను దృష్టిలో ఉంచుకొని అన్ని శాఖల అధికారులు సమన్వయంతో పనిచేయాలని సూచించారు.ఈ కార్యక్రమంలో జిల్లా గ్రామీణ అభివృద్ధి అధికారి శ్రీనివాసరావు, డిపిఓ యాదయ్య, మిషన్ భగీరథ  సంపత్ కుమార్, డి ఎల్ పి ఓ లు సంబంధిత అధికారులు తదితరులు పాల్గొన్నారు