జాతీయ మహాసభలను జయప్రదం చేయాలి

రైతు సంఘం రాష్ట్ర నాయకుడు బుర్రి శ్రీరాములు

మునగాల మేజర్ న్యూస్: నవంబర్ 15 నుంచి 18 వరకు నల్లగొండ పట్టణంలో జరగనున్న అఖిల భారత రైతు సంఘం 38వ జాతీయ మహాసభను విజయవంతం చేయాలని ఆ సంఘం రాష్ట్ర నాయకుడు బుర్రి శ్రీరాములు పిలుపునిచ్చారు.
సోమవారం మండల పరిధిలోని రేపాల గ్రామంలో శాఖ సమావేశంలో ఆయన పాల్గొని మాట్లాడారు. 
తెలంగాణ రైతాంగ సాయుధ పోరాట చరిత్రలో ముడిపడిన మునగాల ప్రాంతం నుంచి మహాసభలకు పెద్ద ఎత్తున రైతులను తరలించాలని కోరారు. నవంబర్ 5 నుంచి దప్పుల దరువులు, కోలాట బృందాలు, కళాకారులతో గ్రామాల్లో విస్తృత ప్రచారం నిర్వహించాలని ఆయన సూచించారు.
రైతుసంఘం జాతీయ మహాసభల ప్రాధాన్యతను ప్రజలకు వివరించి, సీపీఎం పార్టీ నాయకులు, కార్యకర్తలు, రైతుసంఘం నాయకులు సమన్వయంతో పనిచేయాలని కోరారు.
సమావేశంలో సీపీఎం జిల్లా కమిటీ సభ్యులు జూలకంటి విజయలక్ష్మి, రైతు సంఘం నాయకులు సోమపంగు జానయ్య, మండల కమిటీ సభ్యులు తుమ్మ సతీష్, పిచ్చయ్య,గోగిరెడ్డి వెంకటరెడ్డి, వీరాస్వామి పార్టీ నాయకులు కార్యకర్తలు పాల్గొన్నారు.