ఇందిరమ్మ ఇళ్ల జాబితాలో పేర్లు లేవని మహిళల ఆందోళన!

సూర్య బెజ్జుర్:  బెజ్జూర్ మండలం ఉట్స్ సారంగపల్లి గ్రామపంచాయతీ కార్యాలయం ఎదుట ఇందిరమ్మ ఇళ్ల జాబితాలో తమ పేర్లు లేవంటూ పేద మహిళలు ఆందోళన వ్యక్తం చేశారు. తాడిపత్రులు కప్పుకున్న గుడిసెల్లో, అద్దె ఇళ్లలో నివసిస్తున్న తమకు ఇళ్లు మంజూరు చేయాలని, అర్హులైన పేదలకు న్యాయం చేయాలని అధికారులను వేడుకున్నారు. ఇళ్ల ఎంపిక ఏ ప్రాతిపదికన చేపట్టారో స్పష్టం చేయాలని, తమ సమస్యను పరిష్కరించాలని, క్షేత్ర స్థాయిలో విచారణ జరిపి నిరుపేద కుటుంబాలకు ఇందిరమ్మ ఇండ్లు ఇవ్వాలని, ఉద్యోగం, ఇండ్లు ఉన్నవారికే ఇస్తున్నారని, పెదవారికి కేటాయించాలని సెగ్గం సులోచన, దుర్గం సునీత మహిళలు డిమాండ్ చేశారు.