telangana
ఇకపై 19 కులాల భాగస్వామ్యంతో గ్రామ అభివృద్ధికి కృషి
సూర్య వేల్పూరు : వేల్పూర్ మండల కేంద్రంలోని గ్రామ అభివృద్ధి కమిటీలో నాయీ బ్రాహ్మణ సంఘం సభ్యులు చేరారు. గతంలో చిన్న తగాదాల వల్ల దూరంగా ఉన్న నాయి బ్రాహ్మణ సభ్యులు గ్రామ అభివృద్ధి కమిటీ లో చేరారు ఇప్పటివరకు 18 కులాలకు చెందిన సభ్యులతో కొనసాగుతున్న గ్రామ అభివృద్ధి కమిటీలో నాయీ బ్రాహ్మణ సంఘం చేరికతో కులాల సంఖ్య 19కి చేరింది.ఈ సందర్భంగా నాయీ బ్రాహ్మణ సంఘం సభ్యుడు జనార్ధన్ను గ్రామ అభివృద్ధి కమిటీ (వీడీసీ) సభ్యుడిగా నియమించారు. గ్రామ అభివృద్ధి కోసం అన్ని కులాల వారు ఐకమత్యంతో ముందుకు సాగాలని, గ్రామాన్ని అన్ని రంగాల్లో అభివృద్ధి చేసేందుకు సమష్టిగా కృషి చేయాలని కమిటీ సభ్యులు ఈ సందర్భంగా పేర్కొన్నారు.తమ సంఘానికి గ్రామ అభివృద్ధి కమిటీలో స్థానం కల్పించి, సేవ చేసే అవకాశం ఇచ్చిన కమిటీ సభ్యులకు, గ్రామ ప్రజలకు నాయీ బ్రాహ్మణ సంఘం సభ్యులు ప్రత్యేక కృతజ్ఞతలు తెలిపారు.