-గీతం స్కూల్ ఆఫ్ బిజినెస్‌లో రెండు రోజుల కార్యక్రమం

పటాన్‌చెరు; వ్యాపార రంగంలో సమర్థవంతమైన నిర్ణయాలు తీసుకునేందుకు అవసరమైన ఆర్థిక పరిజ్ఞానం,ఆచరణాత్మక నైపుణ్యాలను పెంపొందించే లక్ష్యంతో గీతం స్కూల్ ఆఫ్ బిజినెస్ ఆధ్వర్యంలో రెండు రోజుల యాజమాన్య వికాస కార్యక్రమం నిర్వహించనున్నారు.ఈ నెల 19, 20 తేదీల్లో అకౌంటింగ్, ఫైనాన్స్ విభాగం ఆధ్వర్యంలో ‘సంఖ్యల నుంచి వ్యూహం వరకు.. నిర్వాహక నైపుణ్యం కోసం ఆర్థిక పరిజ్ఞానం 'అనే అంశంపై హైబ్రిడ్ విధానంలో ఈ కార్యక్రమాన్ని నిర్వహించనున్నట్లు సోమవారం విడుదల చేసిన ప్రకటనలో తెలిపారు.ఫైనాన్స్‌లో అధికారిక నేపథ్యం లేని మేనేజర్లు, వృత్తి నిపుణులకు ఈ కార్యక్రమం ఉపయోగపడుతుందని పేర్కొన్నారు.ఆర్థిక విశ్లేషణ, వ్యయ నిర్మాణాలు,బడ్జెట్ రూపకల్పన, పెట్టుబడుల అంచనా, మూలధన కేటాయింపు, పెట్టుబడిపై రాబడి వంటి అంశాలపై ఆచరణాత్మక అవగాహన కల్పించనున్నారు. వాస్తవ వ్యాపార పరిస్థితులు, కేస్ స్టడీల ద్వారా ఆర్థిక నిర్ణయాలు తీసుకునే నైపుణ్యాలను పెంపొందించనున్నారు.ఈ కార్యక్రమాన్ని గీతం స్కూల్ ఆఫ్ బిజినెస్ అకౌంటింగ్, ఫైనాన్స్ విభాగానికి చెందిన డాక్టర్ సుశోభన్ పాల్,డాక్టర్ మెరుగు వేణుగోపాల్ నిర్వహించనున్నారు. పాల్గొనే వారికి అభ్యాస సామగ్రితో పాటు ధ్రువీకరణ పత్రాలు అందజేయనున్నారు. ఆసక్తి ఉన్నవారు పేర్ల నమోదు, రుసుము వివరాల కోసం 84209 66501 నంబర్‌ను సంప్రదించాలని లేదా cbe@gitam.eduకు ఈ-మెయిల్ చేయాలని నిర్వాహకులు సూచించారు.