telangana
గాంధీనగర్‌లో బైక్ ప్రమాదం.. యువకుడు మృతి
ఘట్కేసర్, మేజర్ న్యూస్అక్టోబర్, 15):బైక్ అదుపుతప్పి కింద పడి ఓ యువకుడు మృతి చెందిన సంఘటన ఘట్కేసర్ పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం హైదరాబాద్‌ రసూల్‌పురకు చెందిన పూల వ్యాపారి ఎస్‌డీ అమీర్‌ ఈ నెల 13న రాత్రి 11.45 గంటలకు డ్యూక్‌ బైక్‌పై గాంధీనగర్‌లోని బంధువుల ఇంటికి వెళ్తుండగా బైక్ అదుపుతప్పి కిందపడిపోయాడు. తీవ్రంగా గాయపడిన అతడిని ఘట్కేసర్ ప్రభుత్వ ఆసుపత్రికి, అక్కడి నుంచి సికింద్రాబాద్‌లోని గాంధీ ఆసుపత్రికి తరలించారు. చికిత్స పొందుతూ ఈ నెల 14న సాయంత్రం 6.37 గంటలకు అమీర్‌ మృతి చెందాడు. బంధువు రఫీక్‌ ఫిర్యాదుతో ఘట్కేసర్ పోలీసులు కేసు నమోదు చేసి దర్యాప్తు చేస్తున్నారు.
రిపోర్టర్: గుర్రం రమేష్, ఘట్కేసర్, మేడ్చల్ జిల్లా.
