ఎయిడ్స్ పై ప్రతి ఒక్కరూ అవగాహన పెంచుకోవాలి -ఇంచార్జ్ జిల్లా వైద్య మరియు ఆరోగ్య శాఖ అధికారి డాక్టర్ రఫిక్

ఎయిడ్స్ చికిత్స కన్నా నివారణ మేలు అందుకని హెచ్ఐవి నివారణ పై కళాజాత బృందాల ద్వారా విస్తృత ప్రచారం కల్పిస్తున్నట్లు ఇంచార్జ్ జిల్లా వైద్య మరియు ఆరోగ్య శాఖ అధికారి డాక్టర్ ఎండి .రఫిక్ తెలిపారు. నాగర్ కర్నూల్ జిల్లా కేంద్రంలోని ఆర్టీసీ బస్టాండ్ ఆవరణలో హెచ్ఐవి/ ఎయిడ్స్ పై  కళాజాత ప్రదర్శనను ఇంచార్జ్ డిఎంహెచ్ఓ డాక్టర్   జెండా ఊపి ప్రారంభించారు. ఈ సందర్భంగా  మాట్లాడుతూ  స్వరమాధురి కళాజాత  బృందం  ప్రదర్శనలు హెచ్ఐవి ఏ విధంగా వ్యాపిస్తుంది, హెచ్ఐవి  వల్ల కలిగే నష్టాలు,నివారణ మార్గాలు, ఐ సి టి సి వ్యాధి నిర్ధారణ పరీక్ష కేంద్రాల సమాచారం, ఏ ఆర్ టి (ఆంటీ రిట్రో వైరల్ తెరపి) చికిత్స, హెచ్ఐవి ఇన్ఫెక్షన్ సోకి హైరిస్క్ గ్రూపుల గురించి విస్తృత ప్రచారం కల్పిస్తారనీ తెలిపారు.  అక్టోబర్ 2న కల్వకుర్తి, 3న తెలకపల్లి ,అచ్చంపేట పట్టణంలో, 4 న పెంట్లవెల్లి మరియు కొల్లాపూర్ బస్టాండ్ దగ్గర కళాజాత ప్రదర్శన నిర్వహిస్తారని తెలిపారు.  కార్యక్రమంలో ఆర్టీసీ డిపో మేనేజర్ ఎ. యాదయ్య, ఉప జిల్లా మాస్ మీడియా అధికారి రాజగోపాలచారి, దిశా కార్యక్రమ మేనేజర్ రమేష్, సాయి కుమార్ ,రవీందర్ రెడ్డి, రాష్ట్ర పరిశీలకులు నరసింహ,హెచ్ఐవి ఎయిడ్స్ నివారణ పై పనిచేస్తున్న స్వచ్ఛంద సంస్థ సభ్యులు, డిపిఎంవో సుకుమార్ రెడ్డి, సిహెచ్ఓ హెమ్ లాల్, కోట్ర బాలాజీ, ఎస్ టి ఎస్ శ్రీను, ఆరిఫ్, ప్రయాణికులు పాల్గొన్నారు.
పి .వినయ్ కుమార్, నాగర్ కర్నూల్ క్రైమ్, సూర్య న్యూస్