ఎంపీ మల్లు రవితో కాంగ్రెస్ కార్యకర్తల భేటీ...

*అభివృద్ధి కార్యక్రమాలపై ఎంపీ మల్లు రవితో షాద్‌నగర్ కాంగ్రెస్ నేతల భేటీ*

వివిధ అభివృద్ధి కార్యక్రమాల కోసం అలంపూర్‌కు వెళ్తున్న నాగర్‌కర్నూల్ ఎంపీ మల్లు రవిని షాద్‌నగర్ నియోజకవర్గానికి చెందిన కాంగ్రెస్ పార్టీ నాయకులు మంగళవారం రాయికల్ టోల్‌గేట్ వద్ద కలిశారు. షాద్‌నగర్ బ్లాక్ కాంగ్రెస్ అధ్యక్షుడు గుండ్రతి బాలరాజు గౌడ్ ఆధ్వర్యంలో నాయకులు ఎంపీ మల్లు రవిని కలిసి పలు అంశాలపై మాట్లాడారు. ఈ సందర్భంగా నియోజకవర్గంలో చేపట్టాల్సిన అభివృద్ధి కార్యక్రమాలు, ప్రజలకు సంబంధించిన పలు సమస్యలపై నాయకులు ఎంపీ దృష్టికి తీసుకెళ్లినట్లు తెలిపారు. అభివృద్ధి పనులకు సహకరించాలని కోరారు. ఈ కార్యక్రమంలో మండల కాంగ్రెస్ అధ్యక్షుడు రాయికల్ శ్రీనివాస్, బ్లాక్ కాంగ్రెస్ అధ్యక్షుడు బాలరాజు గౌడ్, సర్పంచులు ఆర్. బాబు నాయక్, శివకుమార్ యాదవ్, కాంగ్రెస్ పార్టీ ఎస్సీ విభాగం నియోజకవర్గం చైర్మన్ జాంగారి రవి, మండల కాంగ్రెస్ పార్టీ నాయకులు పుల్లారెడ్డి, కావాలి శ్రీశైలం ముదిరాజ్, జాంగారి జంగయ్య, యాదయ్య గౌడ్, ఈరమొని రాజు, మాజీ సర్పంచ్ అన్నారం బాలు నాయక్, మట్ట వెంకటేష్ గౌడ్, కొమ్మగంటి శ్రీహరీ గౌడ్, వీర్లపల్లి శివ తదితరులు పాల్గొన్నారు.

జవాజి రాఘవేందర్ గౌడ్ మేజర్ న్యూస్ షాద్నగర్