దశదిన కర్మకు హాజరై బియ్యం,నగదు అందజేసి మానవత్వం చాటుకున్న సర్పంచ్ మురళీకృష్ణ గౌడ్

దశదిన కర్మకు హాజరై బియ్యం,నగదు అందజేసి మానవత్వం చాటుకున్న సర్పంచ్ మురళీకృష్ణ గౌడ్

మునుగోడు,మేజర్ న్యూస్:

మండలంలోని సోలిపురం గ్రామానికి చెందిన ఇరిగి రాములు ఇటీవల మృతి చెందారు.గురువారం దశదిన కర్మ సందర్భంగా గ్రామ పంచాయతీ సర్పంచ్ నకిరేకంటి మురళీకృష్ణ గౌడ్ బాధిత కుటుంబాన్ని పరామర్శించి, తమ వంతు సహాయంగా 75 కిలోల బియ్యం, రూ.3 వేల ఆర్థిక సహాయం అందజేసి మానవత్వం చాటుకున్నారు.ఈ సందర్భంగా మృతుడి కుటుంబ సభ్యులను ఓదార్చి, వారికి మనోధైర్యం కల్పించారు. ఆప్తులను కోల్పోయిన కుటుంబాలకు సమాజంలోని ప్రతి ఒక్కరూ అండగా నిలవాలని అన్నారు. కష్టసమయంలో బాధిత కుటుంబానికి మనోధైర్యాన్ని కల్పించడం, అవసరమైన సహాయం అందించడం ప్రతి ఒక్కరి బాధ్యత అని పేర్కొన్నారు.అదే విధంగా గ్రామానికి చెందిన పలువురు పెద్దలు కూడా ఇరిగి రాములు కుటుంబానికి ఆర్థిక సహాయం అందించి తమ మానవత్వాన్ని చాటుకున్నారు. నకిరేకంటి పెద్ద నర్సింహ, మాజీ సర్పంచ్లు ఇరిగి యాదయ్య, మిడిపల్లి లింగయ్య, నకిరేకంటి క్షేత్రయ్య, నకిరేకంటి పెద్ద సైదులు ఒక్కొక్కరు రూ.3,000 చొప్పున, నకిరేకంటి అంజిలు, వార్డు సభ్యురాలు భూతరాజు పద్మలు ఒక్కొక్కరు రూ.1,000 చొప్పున ఆర్థిక సహాయం అందించారు.కష్ట సమయంలో తమ కుటుంబానికి అండగా నిలిచిన సర్పంచ్ మురళీకృష్ణతో పాటు గ్రామ పెద్దలకు ఇరిగి కుటుంబ సభ్యులు హృదయపూర్వక కృతజ్ఞతలు తెలిపారు.

కె. ఇంద్రసేనారెడ్డి, మేజర్ న్యూస్, మునుగోడు, నల్గొండ