చెరువుల పరిరక్షణే ధ్యేయంగా అభివృద్ధి పనులు చేపట్టాలి

సూర్య జగిత్యాల ప్రతినిధి: జగిత్యాల పట్టణంలోని చింతకుంట చెరువులో మురుగునీరు కలవకుండా శాశ్వత పరిష్కారం చూపడంతో పాటు, చెరువు పరిరక్షణ, పరిసర ప్రాంతాల అభివృద్ధి కోసం అమృత్ 2.0 పథకం కింద చేపట్టనున్న అభివృద్ధి పనులకు సంబంధించి జగిత్యాల శాసనసభ్యులు డా. సంజయ్ కుమార్, మున్సిపల్ చైర్‌పర్సన్ సమీండ్ల వాణి శ్రీనివాస్ తో కలిసి చింతకుంట చెరువు, గ్రేవ్‌యార్డ్ పరిసర ప్రాంతాలను క్షేత్రస్థాయిలో పరిశీలించారు.ఈ సందర్భంగా ఎమ్మెల్యే డా. సంజయ్ కుమార్ మాట్లాడుతూచె రువుల పరిరక్షణకు ముఖ్యమంత్రి చొరవతో అమృత్ 2.0 పథకం కింద జగిత్యాల పట్టణంలోని మోతె చెరువు, చింతకుంట చెరువు, రాయికల్ పెద్ద చెరువు అభివృద్ధికి నిధులు మంజూరయ్యాయని తెలిపారు. దశాబ్దాలుగా పరిష్కారం కాని సమస్యలకు శాశ్వత పరిష్కారం చూపడంతో పాటు, చెరువుల సహజ స్వరూపాన్ని కాపాడుతూ భావితరాలకు ఉపయోగపడేలా అభివృద్ధి పనులు చేపట్టడమే లక్ష్యమని పేర్కొన్నారు.ఈ కార్యక్రమంలో డీసీసీ అధ్యక్షులు గజంగి నందయ్య, మున్సిపల్ కమిషనర్ సత్యప్రణవ్, ఈఈ ఖాన్, డీఈ వరుణ్, ఎమ్మార్వో రామ్మోహన్, టీపీఓ శ్రీనివాస్, కౌన్సిలర్లు బొల్లారపు స్వప్న, రజియొద్దీన్, అయూబ్ ఖాన్, బడుగు పద్మ రాజేందర్, దుమాల రాజ్ కుమార్, కూతురు రాజేష్, పిట్ట ధర్మరాజు, జంబర్తి గంగలక్ష్మి రాజ్ కుమార్ పాల్గొన్నారు.